قصيدة للشاعر / سليمان بن صالح القصيري المزيني
هذه قصيدة لشاعر المحاورة المعروف / سليمان بن صالح القصيري المزيني
فهو مبدع في مجال المحاورة والنظم
الله من قلبن هجس فيـه هاجـوس
هاجس هجس بالقلب حالـي نحلهـا
ماغير ادوج بينهم تقـل مضـروس
بين البيـوت الخاليـه ويـن اهلهـا
لولله إلا ياعلـي ضاعـت الـروس
نـاسٍ تزايـد شيبهـا مـع جهلهـا
وين الرجال اللي تدوس الخطر دوس
اللي انسـوق جمالنـا مـع جملهـا
اخرهم اللي منحنـي كنـه القـوس
وحرم حرام انـه تقـل مـا نزلهـا
وقلبي عليهم تضربه شذرة المـوس
وليـا جفتـك الـدار دور بدلـهـا
والعين كـن بموقهـا راس دبـوس
وليا غشاهـا النـوم راسـه شتلهـا
ولافيه ثوب تلّبسـه غيـر ملبـوس
واللي يشيـل عقالهـا مـا عقلهـا
تعطي ذكي العقل من درسها دروس
وإلاالبليـد يحـس مـره عسلـهـا
شفت الذنب مرفوع والراس منكوس
عد الصحيـح وكلمـة الحـق قلهـا