السلام عليكم ورحمة الله وبركاته ..
الشاعر عبدالله بن زويبن المعمري شاعر علم ويعتبر
من عمالقة الشعر واعني عمالقه بكل معنى الكلمه
له من القصائد مايبهر المستمع والقارئ ..
شاعر جمع بين جيلين يجيد فن التصوير والوصف
كما يجيد جميع اغراض الشعر وطرقها بكل تمكن ..
اطلقت على قصيدته هذه اسم ( المعجزه ) لااعلم هل
ستروق له هذه التسميه ام لا ..
على كل حال .. اترككم معها ..
سمعت لي كلمة(ن) مدري ويش أقصاها
حـزّت بصـدري وأنــا مـانـي بهارجـهـا
لــو كــل كلـمـة الـيــا جـتـنـا طـردنـاهـا
بعـنـا الثمـيـنـة بـسـعـر مـــا يخـارجـهـا
لــو مــرت السـمـع مــا كـنـا سمعـنـاهـا
ونـقـفّـل الـــراس عـنـهـا لا يبرمـجـهـا
ومـــن يـــم هـــذا لـهــذا مـــا نقلـنـاهـا
والـنـاس واجــد وتلـقـى مــن يروجـهـا
مــن جابـهـا بـيـن خـلــق الله ووداهـــا
لـو بـه مراجـل تــرى نفـسـه يسمجـهـا
مـن عامـل النـاس فـي سابـق خطايـاهـا
يقـعـد بــدار(ن) خــلا مــا داج دايجـهـا
في كنّـة(ن) تشـوي الجربـوع رمضاهـا
تيبس غصون الشجر مـن حـر واهجهـا
والناس بالحق حكم الشيـخ مـا ارضاهـا
مـا ترضـي الـنـاس لــو إنــك تحججـهـا
يـا اللـي تـبـا الطيـبـه خـذهـا وعطنـاهـا
وخـــل الـطـريـفـه طــريــة لا تثـلـجـهـا
واقضب طريـق الاوادم وامـش ممشاهـا
اتـبـع دروب الـعـرب وادرج مـدارجـهـا
وارســـم لنـفـسـك حـــدود ولا تـعـداهـا
من حـط نفسـه بـدرب الضيـق يحرجهـا
وإن كــان نفـسـك هـواهـا قــام ينحـاهـا
حـط الاعنّـة بـرووس الخيـل واسرجهـا
وفــكّــر بمـنـكـافـهـا قـــــدام مـغــزاهــا
واضـرب حساباتـهـا وتـشـوف ناتجـهـا
وكـل(ن) بعضـده يمـوح الدلـو برشـاهـا
وتلقـى كبـود الضوامـي مــن يبرهجـهـا
وإن كـان تـوْك عـلـى صــدرك تهجـاهـا
حـنــا تـرانــا نـــدرس فـــي مناهـجـهـا
مـــن يـــم مصبـاحـهـا نـبـعـد معـشـاهـا
الـيــا قـعــد راعـــي الـضـلـع يـدرجّـهـا
لـو هـي صعيبـه اليـا انعـاجـت عدلنـاهـا
والـلـي تـجـي مستقيـمـه مــا نعروجـهـا
نـهـتـم فـــي وزنـهــا وابـــرام معـنـاهـا
ومـــن الكـرسـتـال والـلـولـو نـتـوجـهـا
مـثــل الـجـواهـر لـيــا مـنــا نضمـنـاهـا
وسلوكهـا مـن جـديـد الــزري ننسجـهـا
مخـايـل(ن) تـرتـدم والـصـدر منـشـاهـا
إن دك بـالـبـال داكــــوك(ن) يهـيـجـهـا
واليا امطرت ضاقـت الوديـان فـي ماهـا
تاخـذ اليـا الحـول مــا يبـسـت مدالجـهـا
ان صـدت النـاس عنـا مـا اعترضنـاهـا
مـــا تـقـفـي الـنــاس عـنــا ونتولـجـهـا
وان جاتـنـا الطـيـبـه بالـطـيـب زدنـاهــا
الطـيـبـه بالـعـسـل والـسـمـن نمـزجـهـا
وان جاتـنـا الثـانـيـة نـصـبـر ونـرفـاهـا
يمـكـن الـيــا فـــاق راعـيـهـا يعالـجـهـا
وإن عادهـا عـودة(ن) مـا عـاد ينساهـا
من حربة(ن) في صميم الصـدر نولجهـا
مسمـومـة(ن) يبـلـش الدكـتـور بـدواهـا
مــا يقـنـع الـعـيْ لـيــن انـــه يلامـجـهـا
اخيرا ً ..
أتمنى أن هذه القصيده نالت على الاعجاب ..
رغم شهرتها احببت طرحها عل وعسى ان يجدها
من يبحث عنها ..
تحياتي وتقديري .. محمد القصيري 22