نافل فضل القصيري عضو نشط
عدد المساهمات : 130 السٌّمعَة : 10 تاريخ التسجيل : 21/08/2010
| موضوع: سبيل بن سند يسند على بدر الحويفي (يابدر ماتخفى علي السواليف) الأربعاء أغسطس 03, 2011 9:00 pm | |
|
يابدر ماتخفى علي السواليف=ياطيّب الرفقه بعيد الهقاوي
ادري واعرف ملامس الشلف والشيف=ورفيف الأبرق من رفيف النداوي
لكن اطوّف فاضي الحكي تطويف=لين انها تاصل حدود اللحاوي
واليا التفتنا له هدمنا الغظاريف=بمطرقٍ يبعد خفيف الاهاوي
كد هيز ياواف الخصايل وكد عيف=ملامسه يحير فيها المداوي
اليا طب ميدان النفوس المشاريف=حطت ووطت من كثير العزاوي
والا الكمال لواحدٍ حي ومنيف=ذا الجواد والحبل المتين الرهاوي
محيي النفوس وخالق المزون والريف=محيي الهشيم اللي شعيبه سناوي
ماقول انا عنتر ولا قايل استيف=اقول وهاب الوهايب سماوي
لكن ليا مني رفعت المراظيف=سم الحنيش وسمّهن امتساوي
وليا ضرب رمحي مدق الشراشيف=شال الصفاق وصلعن الكلاوي
يوم الردي في مذهب الكلب حريف=يندس وذي عادة كلاب الشواوي
ياصلك غافل ويترعرع اليا شيف=ويروغ اليا قلت الخلا يالضراوي
لاكان خله يابدر يركب الهيف=يطويك في بشتته وانا بالعبادي
والحر يدري ليش نصبر على الحيف=وش هو مدانا لابتلتنا البلاوي
ماهي سواليف الوجيه المكاسيف=عشاقة الميله بليا حراوي
على الرفيق يصلفحون التصانيف=ومن الهبوب يسخرون الجناوي
والضد ياخذها عليهم مدانيف=والكل معطيه القفا مايراوي
كنه مكتف عن تحديه تكتيف=لكن من العاني يبون العشاوي
بصرار وبرزّة خشومٍ مشانيف= وان ذار مالك تنشده ويش ناوي
يضرب بك الغبة ويظهر على السيف=ويطير بك يم الكواكب فضاوي
يصل القمر ويرد فوق العواصيف=وانته معه كن الرياحي خلاوي
واليا صرخ باذنه دوي القواصيف=راحت حماريه وتمزّع يلاوي
من عقب ماهو حاتم الكف ياضيف=وعنتر ليا غيّم نهارٍ عماوي
ويطق بأصبع لابن لعبون وحنيف=وابن ربيعه والحياة الخلاوي
ماعلق المنسف ولا علق السيف=مثله ولا غنا ولا عد راوي
هذا الدليل انه على قصر واصخيف=لاكان رايك وانت رايك كفاوي
رايك نسّير فيه الاقلام وانقيف=والنار نشعلها ونحمي المكاوي
| |
|
رجاوي حرب عضو جديد
عدد المساهمات : 29 السٌّمعَة : 10 تاريخ التسجيل : 30/07/2011
| موضوع: رد: سبيل بن سند يسند على بدر الحويفي (يابدر ماتخفى علي السواليف) الإثنين سبتمبر 12, 2011 7:28 pm | |
| شكرااااا عاااالنقل الراااائع كاااروووعة حضووورك تحيااااتي | |
|
نافل فضل القصيري عضو نشط
عدد المساهمات : 130 السٌّمعَة : 10 تاريخ التسجيل : 21/08/2010
| موضوع: رد: سبيل بن سند يسند على بدر الحويفي (يابدر ماتخفى علي السواليف) الجمعة سبتمبر 16, 2011 10:17 am | |
| - رجاوي حرب كتب:
- شكرااااا عاااالنقل الراااائع
كاااروووعة حضووورك تحيااااتي هلا ومليووووووووون مرحباااااااااا حضووووووورك الأروووووووع أشكررررررك ع مرووووووووورك تحياااااااااااتي لك ا | |
|