قصيدة الشاعر الكبير : سبيل بن سند (رحمه الله ) يأمـيـر يــا شـيـن الخـطـأ مـنـك شيـنـاه

1 يأمـيـر يــا شـيـن الخـطـأ مـنـك شيـنـاه=ياخـوفـتـي عـقـلـك هـكـالـيـوم غــايــب

2 يـوم ان مثلـك تزعـل الـنـاس عـوجـاه=رجّــال عــرف ومــن حـمـولـه وشـايــب

3 لاجـاهـل ٍ غــي الجـهـل فـيـه وأغــواه=ولامـسـردٍ مــن كـــل الاطـــراف خـايــب

4 أنـتـه تـقــول الـقـيـل وتـجـيـد مـعـنـاه=شالـك هـوى نفسـك علـى غـيـر صـايـب

5 لاكـــان حـنّــا مـــن تـحــدى أنـتـحـداه=مـــن دون واجـبـنـا نـجـيــد الـصـوايــب

6 ياشـايـبٍ غــي الجـهـل تــوّ مــا جـــاه=يـبــى يـعـيـب الـنــاس والـعــود عـايــب

7 يـا ضريغـط الـلـي شــال هـمـه بدنـيـاه=يــاذيــب بــيــن مـعـكـرشـات الــذوايــب

8 إن كـــان عـنــدك للفـعـايـل امـجــازاه=حــربٍ عـمـامـك يـــوم مـــسّ الجـنـايـب

9 غـصـبٍ علـيـك وصـامـل العـلـم تلـقـاه=ان طــاب لــك وإلا عـلـى غـيــر طـايــب

10 أبـــوك معطـيـنـا الأخـــاوه بـيـمـنـاه=لــــولا الأخــــاوه راح مــالــه نـهــايــب

11 يـامــن سوالـيـفـه تـوسّــخ شـفـايـاه=ذيـــب الـعـلـوم ولا ذكـــر لـــك حـرايــب

12 طوبى مقرّ اللي ولـى الحكـم وأرسـاه=يـامـآ رســى والـيــوم حـــدر النـصـايـب

13 ورّث حبـيـب الشـعـب عـقـب تــولاه=فيـصـل عـلـى كـبـد الـعــدو ســـمٍ ذايـــب

14 بظلال أخو نوره مشى الذيب والشـاه=خـلّـى الغـنـم والـذيـب تمـشـي صـحـايـب

15 وخــلاّك يالنـمـرود تمـشـي بحسـنـاه=وتـحـط بالـشـعـب الـسـعـودي عـصـايـب

16 والله يالو يـدري عـن العلـم وأقصـاه=مـالــك شـفـاعـة لـــو تـشـفّـعـت تــايــب

17 مغتـرّ فـيـك الله عـلـى الخـيـر يـقـداه=وش عـرّفـه لــك عـنـد مـطـلـق حـلايــب

18 مـاشـاف نــزلٍ لــك يــدق الخـونـداه=بـمـعـيـلـه مــثـــل الــخـــزز والـلـعـايــب

19 نـــزلٍ نـشـوفـه والمخـالـيـق تـدهــاه=نــــزل الــبــلاوي كـلـهــا والـمـصـايــب

20 عن روس خلـق الله وأنـا أبـراي لله=عـن نـاس تـرعـى فــي طرفـكـم حبـايـب

21 لو فيـك خيـر ووجهـك الشيـن ينكـاه=مـاتـعــتــرض لـمـكـمّـلـيــن الــنــوايـــب

22 وأولاد وايــل عــن سوالـفـك مغـنـاه=مــاهـــم بــعـــوزك يــامـــدوّه زرايـــــب

23 قطعانهم عشب الخضر غصب ترعاه=تـرعــاه أبـاعـرهـم لـــو الــــدم رايــــب

24 وحربٍ قواطيـعٍ علـى الخيـل وأرمـاه=عـــوق الـزعـيـم مـــورّدة كـــل هــايــب

25 وشريـدة الفرسـان وشـلـون تنـسـاه=وشـلـون تـنـسـى يـــا طـويــل الخـبـايـب

26 اللـي علـى شيـل الجمـاهـي مـضـرّاه=يـمـنـاه والـفـسـقـان ســيــف الـعـطـايـب

27 و(ابـن نحيـت) اللـي نهـار المـثـاراهكـــم كـبــد حـــيٍّ شـــب فـيـهـا لـهـايــب

28 علـى أبلـج خـلّـى الـظـواري تعـشـاه=وبـطـوع اخـــو نـــوره تـعـشـى كـتـايـب

29 و(ابن جزاء) يوم النضـا جـاه ينخـاه=وشـلــون تـنـســى يـالـعـيـن الـصـلايــب

30 يومٍ يشيب الـراس مـن حـس طريـاه=بــيــن الـحـنـاكـيـه وذيـــــك الـجــذايــب

31 و(فيحان) أخو نوره تحت حد شلفـاه=كـــم فـــارسٍ خـــلاّ عـظـامــه حـطـايــب

32 الـلـي بـجـاه يــوم زاره هــل الـجــاه=رد الذويـبـي مـــال رايـــح ******ايـــب

33 ماخوذ غصـب وضمّـر الخيـل تشعـاه=وشـلــون تـنـسـى ياعـجـيـب الـعـجـايـب

34 ونسيت(ابن ناحل) مع الضيف وقراه=هيـف السميـن الـلـي بـهـا الـنـيّ سـايـب

35 اللـي يدسّـم شـارب الضـيـف لاجــاه=الخـيـل يعطيـهـا وعـطــا الـبــل وهـايــب

36 ونسيت(منـور) ذيـب جـمـعٍ سـرايـاه=مـثـل الـدبــا الكـتـفـان ريـــف الـقـرايـب

37 حــرز الذلـيـل الـلـي يـفـك الـمـخـلاّه=نسـيـت(اخـو حسنا)عـطـيـب الـضـرايـب

38 و(ذويــخ) بالعـربـان تكـثـر رزايـــاه=إلـيــا شـــان نـطــق ميـلـيـن العـصـايـب

39 كــم هـيّـةٍ زيزومـهـا جــاب حـسـنـاه=و(سـعـود) مــن بـعــده يـفــك النـشـايـب

40 و(ابـن جديـع) اللـي بهـيّـه ضحـايـاه=فـرســان قــــومٍ فــــوق قــــبٍ ربــايــب

41 يـبــون وضـــحٍ بـالأبـاهــر مـحـنّــاه=افـتـكـهــا ووّهـــــل جـبــرهــم نـكــايــب

42 ونسيت (مانع) حـوض مـوت منايـاه=مــاتــأخـــذ ألا مـحـتـمــيــن الــدبــايـــب

43 كـم فـارس قــرّب لــه أجـلـه وغـفّـاه=عــلـــيـــه خـلاّلـلــحــوايــم لــــوايـــــب

44 مـن كـف (اخـو فـزه) نواعيـه تنعـاه=عـلــيــه هـــــلات الـعـبـايــر ســكــايــب

45 و(نويشي) اللـي بالخـوي كـلٍ أوحـاه=بـثــرأ خـويــه عــــن عـوانـيــه نــايــب

46 قـص أربعـه وأثنيـن والسابـع أنجـاه=انـهـى الـمـلام وخـاطـره مـاهــو طـايــب

47 وأبــوك يالهـربـاد مــن فــك بحـمـاه=يــوم الـرصـاص بـنـوع وبــل السحـايـب

48 بـرّم عصـب رجليـه وإنّــا احتميـنـاه=دونـــــه فـعـلـنــا مـعــجــزاتٍ غــرايـــب

49 والـيـوم عـنـدك لــه محـبـه وملـجـاه=غـــوال ابـــوك وحـايــبٍ بـــك حـوايــب

50 والا مـا تنسـى وطيتـه فــوق علـبـاه=وميـقـافـنـا لا دفـلـجــن بـــــك ركــايـــب

51 جـيـنـاه وأربـــاع المـبـانـي مــمــلاه=فــــي كــــل بــيــت مكـتـفـيـنٍ قـضـايــب

52 واللـي نــزل عـنـده ثلاثـيـن جمـهـاه=بـيـن الـــذرا والـنــار ضـــم الحـضـايـب

53 من عرض من ربص هكاليـوم بدمـاه=راع الـنـقـا والـفــوز يــــوم الـغـصـايـب

54 راسه سبـق كفـه علـى عـرش مطـاه=من كف (اخـو جـوزاء) وابـوك السبايـب

55 فعـلٍ علـى وضـح النـقـا مأخترعـنـاه=مـاهــي سـوالـيــف الـوجـيــه الـقـلايــب

56 وأضحى جـزاء ميقافنـا اللـي وقفنـاه=شبهـتـنـا ضــيــنٍ رثــــع فــيــه لايــــب

57 ذيـبٍ يــرد مــن أول الضـيـن لـتـلاه=الــشــكــوى لله يـاكــبــيــر الـقــطــايــب

58 والله والله واحــــدٍ مــــا أتـمــهــزاه=بـالــكــذب..والله يـالـقـلــوب الـلـبــايــب

59 لـولا القمـر وسهيـل والجـدي لــولاهلأقـــــول قـــــولٍ مـاتـعـقـبــه طـــلايـــب

60 مــار بــذرا العنـبـر تـركـت العلـنّـداه=يـالـلـي تـبــي بـالـكـذب تـأخــذ غــلايــب

61 يالطايـش اللـي طيـشـه كـبـر مـركـاه=هـــلا هـــلا يـاحــوش بـيــض الـتـرايـب

62 هــذا جــداك وغـيـب قلـبـك عرفـنـاه=مــار الغـلـط مـرجـوع وانــس الحـزايـب

63 أمــا تـعـذّر عـــن مـقـالـك ومـنـشـاه=عـبــر الأثـيــر ولانـبــي لــــك نـجـايــب

64 يـــوم المـجـلـد كـــل حــــيٍّ تــمــلاه=تـــراك مـأنــت مـــن الأذاعـــه نـعـايــب

65 دفتـرك مـا خصيـت بـه يــوم نـقـراه=قــاريــه انــــا ومـسـطـراتــه عــرايـــب

66 حـتـى تـعــذّر لـــك لـنــاس مـسـمـاه=كــرّ النـظـر واحـسـب جمـيـع الحـسـايـب

67 كـرّ النظـر وأضـرب عـلـى مـاتـوراه=وعـنــدك طـريــق الـعـافـيـه والـعـقـايـب

68 أمّـا حفـرت البيـر وأقطـن علـى مـاه=وألا تـــدمــــه دام مـــيّــــه ســــرايــــب

69 مـــادام كـــلٍ مـاســك مــــاه بــلــزاه=والاتـعــرّضــت الـمــحــن والـصـعـايــب

70 يــمــك مـلايـيــن الـمـدافــع مـعـبــاه=واقــفــالــهــا قــيـــادهـــا بــالــكــرايــب

71 والطـيـش لايحـرمـك لــذ الـمـسـاواه=اعــرف تــرى للطـيـش غـيـب وغبـايـب

72 ألا عـنــدك لـلـخـزى مـيــل مـشـهـاه=معـجـبـك مـالــك مـــن فـعـولـنٍ رهـايــب

73 فالله خلق للـداء دواء وأنـت مـن داه=ودواك لــلــجــراح فـــيـــه الــطــرايـــب

74 يـامـا لعـيـنـك مـــن مـغـثـه ومـــاذاه=يـالـلــي بـحــركــم يـامـلـيــن الـذهــايــب

75 بــه حـصــةٍ بـيـضـا تـــلالا مـغـطـاه=غـيّــم سـمـاهـا بـيــن خـضــر رطــايــب

76 مأدري ركبها غبـار شيـول ومسحـاه=وألا بــهــا زتـــــم اعـــــداد الـجــلايــب

77 لاواقـفـيـن ولا بـالأعـيــان شـفـنــاه=حــظـــي بـــــري لله عـلـيـنــا رقــايـــب

78 حظـي بــري ماقـالـوا الـنـاس قلـنـاه=وبـحـظ مــن جــاب الخـبـر لـــي جـايــب

79 ياطيـر ابـن برمـان مــأدري حـلايـاه=يـالـلــي تــبــي فـيـنــا تــحــط الـنـقـايـب

80 ماهـو هـلا يالمنتسـب عـقـب عفـنـاه=حـنّــا جـبـرنـا مـــا يـحــوش الـقـشـايـب

81 ولا عـنـدنـا لـــك يامـحـمـد مـنـاجـاه=خـبــلٍ تـومــي فـــي شـنـبــك الـهـبـايـب

82 تـبـي تمـثـل عنـتـر الخـيـل جـهـجـاه=تـمـثـيـل وألا مــســردٍ مــأنـــت ثــايـــب


تقبلووو تحياتي