منتديات القصيري

منتديات القصيري
 
الرئيسيةس .و .جالتسجيلدخول

شاطر | 
 

 حوار بين الببسي والميرنداء

اذهب الى الأسفل 
كاتب الموضوعرسالة
قصيري وكلي فخر
عضو جديد
عضو جديد
avatar

عدد المساهمات : 26
السٌّمعَة : 0
تاريخ التسجيل : 15/10/2008

مُساهمةموضوع: حوار بين الببسي والميرنداء   السبت أكتوبر 25, 2008 6:19 am

[color=black][size=18][center]حوار بين البيبسي والميرندا


البيبسي : اختي ميرندا ... قاعدة والا نايمة

ميرندا : هلا .. لالا قاعدة .. ليش تو الناس باقي

ربع ساعة وبيسكر الهندي هالأنوار وبعدها بنام

البيبسي : هل لي بحوار جانبي معك

( ابووووك يالاسلوب )

..ميرندا : ايييييه عادي وش دعوا

.. البيبسي : ماهي نوعية الحوارات

..أقصد اللي تحبينها

ترى كذا الأسلوب علشان يسحب معك الخط
(اقصد الحوار.. خخخخخخخ )

ميرندا : ماعندي شي معين بعدين أنت ناوي

تطول بالكلام ؟

تبيني اعتذر من ابوي وانام برا الصندوق

( صندوق الميرندا)

...البيبسي ( فرحان ) : اييييه كلامي مايخلص ولا بكرة
أنا أصلا كانوا يقولون عني راعي طويلة.

ميرندا : تدري عاد أسلوبك وطرحك حلو بس

أبوي يقول لا تمشون مع السود !!

البيبسي : ليش ترا والله ما نعظ ... أليفين بالحيل

ميرندا : بس تصدق انا معجبة بسوادك

,,,كأنه سواد ليلة مافيها قمر
سواد كالح كنه فحمة من كيس هالفحم اللي في
المستودع تحت ... انا معجبة فيك بصراحة


البيبسي : يؤ..يؤ..يؤ .. احرجتيني .. أمي والله صادقة

... ميرندا : ليه وش قالت أمك

...البيبسي : أمي تقول إن الميرندا أحلى من الفراولة

ماتدلعين مثثل الفراولة

...ميرندا : ياحظي .. قال فراولة قال

شنو يخليني اتدلع

البيبسي : لا يعني لون الفراولة .. أحلى من لونك

( بدت تخور البنت)

... لونها احمر يشق الجبهة


ميرندا : نعم نعم نعم .... عد بالله شنو قلت

أنا وشفيه لوني

البيبسي : لا والله مو قصدي بس لونك كنه لون

هالهندي اللي بالدكان اذا صار محصور ... برتقالي

...ميرندا : والله حبيبي اذا مو عاجبك

...خلني أروح لصندوقنا بس

البيبسي : يؤ ..يؤ..يؤ... يالزعولة ليش زعلتي

عاد من كلامي ..

(وفي هاللحظة فتح الهندي الثلاجة وحط فيها فراولة)

البيبسي : هلا والله وغلا بالفراولة ... يوووووووه

يازينها زيناااااه .... تو مانورت الثلاجة ..

ميرندا : هااااوو والله شي ... وقدامي تغزل فيها وانا

من الصبح معك يالعبد الاسود يالمحترق ..

فراولة : ههههههههههههه ... وشفيها هذي معصبة

كنها طقاقة ما نقطوها بحفلة زواج ها ها ها ها.

البيبسي : لالا ماعليك منها أنت بس قولي لي وش

هالحلاوة وش هاللون الحلو ..

ميرندا : أقول يالدبا يالحمرا ء اللي لونك ماله داعي

كنه روج ملخبط هههههههههه..

فراولة : هئق ... هئق ( تشهق )

يالغيارة يالبرتقالية روحي بس ما احد شراك

لك اسبوع هنا مرزوعة ما احد يبيك ..

ميرندا : والله ... ياشيخة تعالي دغدغيني أحسن

البيبسي : ياجماعة كل وحده فيكم لها مميزات

ولها صفات مستقلة خلونا بس في المفيد

وفي هاللحظة قاربت الساعة على 12 بالليل وجا زبون

وخذ معاه البيبسي والميرندا والفراولة بكيس واحد

بيوديهم معاه للبيت..

( وهذا الحوار اللي بالكيس )

البيبسي : هذي الساعة المباركة

يوم صرنا بكيس واحد متقاربين..

ميرندا : اقول وراك مقرب للفراولة خلها

( تتنفس طيب حاشرها( بدت الغيرة

فراولة : يؤ ... من سألك انتي الثانية

بعد وش عليك!! خليك بحالك!!

بيبسي : لاتحرجوني !! انا اخجل من ظلي !!

يؤ..يؤ..يؤ....وخري ياميرندا شوي

ميرندا : هذا بعد الهندي ماحطنا بكيس كبير

حشرنا بهالكيس هالبخيل..

في هاللحظة أخذ الزبون الفراولة وفتحها

!!وشربها وما بقي بالكيس الا البيبسي والميرندا

!!البيبسي : الحمد لله كانت مضايقتنا الفراولة
( منافق وماله خاتمة البيبسي )

!!ميرندا : يؤ ... توني صرت غالية عندك
اقلب وجهك بس يالعبد مالك خاتمة

البيبسي :آه ... ضاعت على الفراولة والحين ضاعة

الميرندا .... وش سويت انا ووجهي ..

ميرندا : اذلف بس ووخر عني ولا عاد تكلمني !!

البيبسي : آه .... والله احتريت

( ارتفعت درجة حرارته )

ميرندا : ايه عارفه من يوم راحت عنك الفراولة

وانت متجه علي وتعبتني وكسرت قلبي ..

البيبسي : اييييييييه والله مريضة

لا أكون انا السبب

وفي هذه الاثناء اصبحت حرارة الميرندا

مرتفعة وانشد البيبسي بهذه

القصيدة يصف حال الميرندا موجه كلامه للزبون

اللي خذ الميرندا وفتحها وشرب منها جزء

بسيط وألقى بها في سلة المهملات

( لأن حرارتها مرتفعة ساخنة )

: وبكى البيبسي في هذه الاثناء وقال

قالوا حبيبك محموم فقلت لهم .... انا الذي كنت في حمائه السبب

عانقته ولهيب النار في كبدي ... فأثرت فيه تـــلك النار فالتـهب


لا تنسونا من الردود

قصيري وكلي فخر
الرجوع الى أعلى الصفحة اذهب الى الأسفل
%% الإمبراطور %%
عضو فعّال
عضو فعّال
avatar

عدد المساهمات : 59
السٌّمعَة : 0
تاريخ التسجيل : 16/09/2008

مُساهمةموضوع: رد: حوار بين الببسي والميرنداء   الأحد أكتوبر 26, 2008 11:54 am

مشكور أخوي

عـ الموضوع الرائع

تحياتي %%الإمبراطور %%
الرجوع الى أعلى الصفحة اذهب الى الأسفل
صقرالصقور
عضو فعّال
عضو فعّال
avatar

عدد المساهمات : 78
السٌّمعَة : 1
تاريخ التسجيل : 09/10/2008

مُساهمةموضوع: رد: حوار بين الببسي والميرنداء   الثلاثاء نوفمبر 04, 2008 11:37 am

هُــهُــهُـه الــلـه يـرجـك مشــكوـر اخـوي ع لـى المــو ضـوع الرائع
الرجوع الى أعلى الصفحة اذهب الى الأسفل
 
حوار بين الببسي والميرنداء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القصيري :: المنتديات الترفيهية :: منتدى الضحك والفرفشه-
انتقل الى: