نافل فضل القصيري عضو نشط
عدد المساهمات : 130 السٌّمعَة : 10 تاريخ التسجيل : 21/08/2010
| موضوع: ردية بين الشاعر نجر العصيمي والشاعر متعب الديري رحمه الله الأربعاء أغسطس 03, 2011 10:08 pm | |
| السلام عليكم و رحمة الله و بركاته
مساء الخير للجميع
ابطرح بين يديكم ردية بين
الشاعر : نجر العصيمي والشاعر الكبير و هو غني عن التعريف
و هو الشاعر : متعب مطيع الديري القصيري
يقول:
نجربن فيصل العصيمي العتيبي
أبا ألبس عن العجه مناظـر ودرع وطـاس=واخيـل المـزون اللـي هواهـا يجاذبهـا
وابا اكتب من الذكرى حروفٍ على قرطـاس=وابا انشد هواجيسي ويـش اللـي مسببهـا
كتبت وقريـت بصـورة النـاس والخنـاس=عـلاج الصـدور اللـي مرضهـا يعاتبهـا
وابا اسند على روحي واجنب جميع النـاس=اجنـب جميـع النـاس مخطـي وصايبهـا
اباافصل على قدي وابا اعرض على الحساس=ومـن يفتهـم لحـروف الاعـراب يعربهـا
يا متعب نبي كلمـه بعيـده عـن اللـولاس=على قمـة الموضـوع مـن راس شايبهـا
وانا عادتي ما البس ثيابـي بـدون قيـاس=اقايس علـى طولـي وعرضـي وارتبهـا
ولي مع هل المعروف والعرف كلمـة راس=واشوف الصباخـي يـوم تلمـع واجنبهـا
واليا شفت حفار الجحـارة يديـر السـاس=ابـو لحيـةٍ مـا ياصـل المـدح شاربهـا
هدمت الجحارة لين تصبـح عليـه ادمـاس=علـى شـان مـا يلقـى منطـه ينطبهـا
وعقود الذهب يا حلوها مع عقـود المـاس=وحديـد التنـك يلقـى حـديـد يقاربـهـا
واحب الحرار وكل شوقـي مـع القرنـاس=ولا نمـدح اللـي سلـم المـدح عاقبـهـا
لو النـاس تفهـم كلهـا بالخطـا لا بـاس=تشـوف الـدروب العـوج قـدام تقربـهـا
ابـا اصفـي الناتـج بعيـد عـن الافـلاس=عسـى السالمـي معنـا يصفـي غرايبهـا
وحلاة الغرايب عنـد متعـب قـوي البـاس=خبيـر الذخايـر قبـل تاصـل ضرايبـهـا
ومعاليق قلبي منـك يـا بـو فهـد يبـاس=عديـت ومشيـت وكـل سكـه تجربـهـا
عرفتك بحـام القيـظ ياالسابـح الغطـاس=تحـب السبـاحـة والسبابـيـح تتعبـهـا
وانا ما لمستك وانـت تلمـس ورا اللمـاس=بيمـنـا شريـفـه طـايـلاتٍ مخالبـهـا
وكبير العرب ما يحـرق البـن باالمحمـاس=حافـظ علـى الحمسـة قبـل لا يخربهـا
نبي عذر طيب ما نبـي عـذر ابـو نـواس=على شان نرضـى بـه ونحمـد عواقبهـا
ولو انا نحبـك ياالمشاكـل ملينـا اكيـاس=نبـي قطـع سلـك الذبذبـه مـع تذبذبهـا[/poem]
رد متعب الديري الحربي
هـلا مرحبـا ترحيبـةٍ تبعـد الهـوجـاس=عن الصاحب اللي حـس بحسـاس لاهبهـا
لمس والتمس وادنا الفتيله مـن المقبـاس=يبي نـار حاسوسـه قبيلـه يحـس ابهـا
اسندها على نفسه واخذ صاحبـي مـرواس=وعرضهـا عليّـه يـوم شلفـاه خظبـهـا
وعقب ما شبك سلك اللغم وايقـظ الحـراس=يبـي متعـب الديـري ايعالـج مصايبهـا
وانا مستعد ابـذل جهـودي ولا بـه بـاس=واصفله عـلاج جروحـه اللـي يناسبهـا
على شان اشاعة عكسها تكشـف العكـاس=جروحـن عرفـت اعلاجهـا لا تسيبـهـا
انا اعطيـك راي وانتـه المفتـي الـدراس=اتحلـل رمـوز حروفهـا قـدم تكتبـهـا
حروفـن معانيهـا علـى مقرهـا غـلاس=وتعيـض وتغيـظ وجانـب العـز جانبهـا
لكن يا بو حجرف لايمس الرشـا المسـاس=تقطـع ابتوتـه والبـل القـيـظ حاظبـهـا
يعارض محطه واحدن مـن نشـاط النـاس=يحـاول يبـي تخليصهـا ليـن ينشبـهـا
نشيط وشميط وعنده السيـف مثـل الفـاس=ويحـط الايديـن بحلـق الافعـي يجربهـا
وتحـذر مـن المتعافـي الارفـل القبـاس=مكسـر شـداده لارنبـه قبـل يقضبـهـا
تخير طريـقٍ عـن طريقـه وتاجـد نـاس=رجـالٍ تبـيـع نفوسـهـا دون واجبـهـا
هل المذهب الطيب هل البـاس والنومـاس=شريفين الانفـس مجـذب الطيـب مجذبهـا
انا اعطيك رايي وانت رايـك بعيـد ارمـاس=رجـال الوفاوالطيـب بالطيـب تكسبـهـا
وانا اللي اليا هبـت هبـوبٍ بهـا نسنـاس=اعرف السباع الشهـب واعـرف مدربهـا
وادرج اخطـاي الثابتـه نحـو راع الكـاس=طبيـب المعانـي كـان شبـت شبايبـهـا
وابا اخذ معه واعطي على صفحة الكـراس=بيـوتٍ معانيهـا هـل الصنـف ترغبـهـا
بعيـدٍ عـن الشكـات والدبـس والدبـاس=وسيمـةٍ معانيهـا رصـيـد لمكاسبـهـا
وانا ما احرق الحمسه ولا اغفل عن الحماس=وانقـي بكـفـي هيلهاقـبـل لا اشربـهـا
وانا ما لمستك وانت لا تطـاوع الوسـواس=مامون الحجج مامـون مـا خـان كاتبهـا
وانا وانت يا نجـر العصيمـي لنـا نبـراس=ينـور طريـق ركابنـا فــي معازبـهـا
ولا فكر على ما قلت في عذر ابـو نـواس=وادل السبـاع جبالهـا واعـرف شعبـهـا
وتقبل تحيـاتٍ بهـن طـب كـل اعمـاس=فداك المعـادي واجمـع العقـل واقصبهـا
و دمتم بخير
| |
|
رجاوي حرب عضو جديد
عدد المساهمات : 29 السٌّمعَة : 10 تاريخ التسجيل : 30/07/2011
| موضوع: رد: ردية بين الشاعر نجر العصيمي والشاعر متعب الديري رحمه الله الإثنين سبتمبر 12, 2011 7:25 pm | |
| ابداااااااااااع وشاااااعرين مبدعييييين شكراااااا عااااالنقل الجميل لك ودي | |
|
نافل فضل القصيري عضو نشط
عدد المساهمات : 130 السٌّمعَة : 10 تاريخ التسجيل : 21/08/2010
| موضوع: رد: ردية بين الشاعر نجر العصيمي والشاعر متعب الديري رحمه الله الجمعة سبتمبر 16, 2011 10:22 am | |
| نـــــــــــعــم شااااعرين مبدعين ولهم ثقلهم في الساااحة الشعرية
أشكرررررك أخوي رجااااااوي حرررب على مرورك وتواجدك في متصفحي دمة بألف خير
تقبل تحيااااتي | |
|