منتديات القصيري

منتديات القصيري
 
الرئيسيةس .و .جالتسجيلدخول

شاطر | 
 

 يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة

اذهب الى الأسفل 
كاتب الموضوعرسالة
نافل فضل القصيري
عضو نشط
عضو نشط
avatar

عدد المساهمات : 130
السٌّمعَة : 10
تاريخ التسجيل : 21/08/2010

مُساهمةموضوع: يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة   الأربعاء أغسطس 03, 2011 9:13 pm






هذه القصيدة يسندها الشاعر : سبيل الحصني رحمه الله على الشيخ نايف بن محسن الفـِـرْم أمير الفوج الثاني والعشرين بالحرس الوطني، وهو أهل للثناء والمديح، وكالعادة فإن الجمس يأخذ نصيبه من الوصف والاعجاب




يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة



جـمـسٍ تصـبـه امريكـا في مـعـامـلـهـا=للبـيت الأبيض عليـه رموز مـصـبوبـة



الـمـمـلـكـة لـه ثـلاث ايـام داخـلـهـا=ومن الـسـفينـة جديد .. مـنـزّل دوبـه



الـونـش فـوقـه كـلالـيـبـه ايـدودلـهـا=للسـّـاع .. ما غلـَّق الونـّاش كـالـوبـه



شوفـه يشوق الـعيـون اللي يـقـابـلـهـا=وليا اشتغل زاد شوق وزاد بـعـجـوبـة



وليا مشـىَ رُوح راع الصنف يـنـتلهـا=راع الوَلـَع يشتري .. ما قال: وشو به؟



حـَدَّوه فـي قـيـمـةٍ جـيـنـا بـكـامـلـهـا=لو زوّدوها .. بطيب النفس مصحوبة



أنـا وقـفـت الـزبـايـن عـنـه عـازلـهـا=لـي حاجةٍ فيه .. وافلح من قضى نوبه



أبـدفـعـه فـي وصـاةٍ مـانـي مـجـِّلـْهـا=عن وقتهـا .. كل ما تجلس لها حـَوْبـَة



أبـدفـع الـجـمـس لـديـارٍ تـنـاولـهـا=حتى على الجمس غيـر بشد وصعوبة



واركبته اللي سجايا الـجمس كـافلهـا=قطع الـفيـافـي وبعـد الـدار مـطـلـوبـه



من باب دخنة مشى والشمس كاحلها=مثل الضويحك .. يلوح بشف رعبوبـه



والظهر عرعر .. صلاة الظهر واصلها=على الـمحطة يغلق نـقـص مـشـروبـه



حـِلـْيـَا هنوفٍ .. تشوف اللي يغازلـها=وِحـْبـَالهـا مـِطـْلـَقـه ما هيب مقضوبـة



ريح الشـمطـري يثـوّع من جـدايـلهـا=هذي وصوفه .. وُطـَيْ البعد عذروبـه



يـَجـْلا عن الكبد موجٍ مـن غـلايـلـهـا=نصـَّيـْتـه اللـي يـقـوم بـحـق مـاجـوبـه



الـفـِرْم .. قـدّامنا البيضـا مـْحـَصـِّلـهـا=اللي يـبيها .. يشوف الـفـِـرْم وِدْرُوبـه



الـمـَرْجـْلـَة من صميم العـَوْد نـاهـلهـا=يمشي على ضو ابو جـَلاَّل واسلوبه



قالـة خوَيـِّـه تـهمـّـه .. مـا يـجـازلـهـا=ما يـحـتـريـهـا متى تـلفـيـه مـنـسـوبـة



ياقف على عـَدْلهـا .. ويشوف مايلهـا=عن واجبـه مـا يـرُوح بـظـل غـيـبـوبـة



نايف .. مساعيه ما ننسى فـضـايـلـهـا=يوم أوجسوا ما اوجسوا .. ربعه تلاجوا به



وِاشـْـتـان في قـالـةٍ عـِمـْيٍ دلايـلـهـا=النور طافـي بهـا .. والـنـار مـشـبـوبـة



النـور الانـوار مـن زارت تـجـاهـلـهـا=والنار ما جا بخـِصـْـم الربع هـَلـَّوا به



ليـن الـمحابيل صادت رِجـْـل حابلهـا=نـيـبـان مـحـبـالـتـه مـَـسـّـن عـرقـوبـه



لـعـل الاجـواد مـا تـفـنـَـى مـنـازلـهـا=اللي على الـجود والوجدان مـنصوبـة



منازل الـجود .. نايف من سـلايـلـهـا=وحبال بيت الـمهونـه عنه مـقصـوبـة[/poem]



الرجوع الى أعلى الصفحة اذهب الى الأسفل
رجاوي حرب
عضو جديد
عضو جديد
avatar

عدد المساهمات : 29
السٌّمعَة : 10
تاريخ التسجيل : 30/07/2011

مُساهمةموضوع: رد: يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة   الإثنين سبتمبر 12, 2011 7:22 pm

شكرااااا ناااافل
طرح جميل لااااكن وين
الناااااس ولااا رد
مااايصير
المهم تقبل مروري
الرجوع الى أعلى الصفحة اذهب الى الأسفل
ابو هلا القصيري
عضو جديد
عضو جديد
avatar

عدد المساهمات : 10
السٌّمعَة : 10
تاريخ التسجيل : 12/09/2011

مُساهمةموضوع: رد: يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة   الثلاثاء سبتمبر 13, 2011 3:21 pm



مشكور على هذه الابيات ياأخوي ناااااااااااااافل
والله يرحم صاحبها ...... امــــيــــن,,,,,
الرجوع الى أعلى الصفحة اذهب الى الأسفل
نافل فضل القصيري
عضو نشط
عضو نشط
avatar

عدد المساهمات : 130
السٌّمعَة : 10
تاريخ التسجيل : 21/08/2010

مُساهمةموضوع: رد: يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة   الجمعة سبتمبر 16, 2011 10:07 am



ياااااااااهلا ومليوووووون مرحبااااا


وأشكركم على المرور والتواجد

وفعلاً أعضاء منتدانا من بعد العيد مختفين لكن يمكن الدواماااات والنفسيات تعبانه مااايلاموووون

الله يكوون بعوونهم ويرجعون لنا بالسلامه أن شاء الله

تقبلووووووووووو تحياااااااااااتي
الرجوع الى أعلى الصفحة اذهب الى الأسفل
 
يا راكب اللى ثلاث حـْـرُوف حاملها=الـجيم والـميـم قبل الـسيـن مـكتوبـة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القصيري :: المنتديات الأدبية :: منتدى همس القوافي {{ الشعر والشعراء }}-
انتقل الى: