منتديات القصيري

منتديات القصيري
 
الرئيسيةس .و .جالتسجيلدخول

شاطر | 
 

 البارحـه عينـي جفـا النـوم موقهـا // لشاعر : سلطان الهاجري

اذهب الى الأسفل 
كاتب الموضوعرسالة
نافل فضل القصيري
عضو نشط
عضو نشط
avatar

عدد المساهمات : 130
السٌّمعَة : 10
تاريخ التسجيل : 21/08/2010

مُساهمةموضوع: البارحـه عينـي جفـا النـوم موقهـا // لشاعر : سلطان الهاجري   السبت يوليو 30, 2011 7:05 pm

[size=12]



البارحـه


البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا
جعلـه مـن المنشـى ينثـر مخائـلـه
مـن مزنـه غـرا تكاشـف بروقـهـا
لامرهـا العسـاس مـن غـب سيلهـا
عيـن خباريـهـا ووكــد حقوقـهـا
مدهـال ذود ماتقـرع مــن الطـنـف
لاقرعـت بعـض الرياجـيـل نوقـهـا
البـل تبـي رجـل عـزومـه قـويـه
ولانتـوت عــن دربـهـا مايعوقـهـا
لايسمـع العـاذل ولايسمـع الــردي
رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه
اهــل الغنـيـم تـدقـق اربـوقـهـا
مافيـه ياكـود الشـقـاري وخلطـهـا
وفيه الخزامـي اللـي طـوال عنوقهـا
ترعابـه العـري ويبـنـي شحهـمـا
عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا
والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا
هـذي تغـرز مـن غلاهـا وقـدرهـا
وهـذي يـقـدم للنشـامـا غبوقـهـا
واليا اصبحت تسرح علي الر وض الادني
اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه
ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه
يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا
عـودا يقـلـط للنشـامـي حقوقـهـا
لايجـرح العانـي ولايزعـل الـخـوي
وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده
واللـي يــدور للـمـراره يذوقـهـا
ومن لايحـوش المرجلـه فـي شبابـه
واليا انتحـت صعـب وعسـر لحوقهـا
وختامهـا منـي صـلاه علـي النبـي
عـداد ماتنـشـي وتـبـرق بروقـهـا
[/size]
الرجوع الى أعلى الصفحة اذهب الى الأسفل
رجاوي حرب
عضو جديد
عضو جديد
avatar

عدد المساهمات : 29
السٌّمعَة : 10
تاريخ التسجيل : 30/07/2011

مُساهمةموضوع: رد: البارحـه عينـي جفـا النـوم موقهـا // لشاعر : سلطان الهاجري   الإثنين سبتمبر 12, 2011 7:50 pm

يعطيك العاااافيه
عاااالطرح الرااائع
تحيااااتي
الرجوع الى أعلى الصفحة اذهب الى الأسفل
 
البارحـه عينـي جفـا النـوم موقهـا // لشاعر : سلطان الهاجري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القصيري :: المنتديات الأدبية :: منتدى عذب الكلام-
انتقل الى: